Şəmkirdə oğlu tərəfindən balta ilə öldürülən qadın müəllimə olub - YENİLƏNİB
HC
YENİLƏNDİ - 17:44: Şəmkir rayonunun Qaracəmirli kəndində oğlu tərəfindən qətlə yetirilən 66 yaşlı Çiçək Sərdarova orta məktəb müəllimi olub.
Postxronika.az "Qafqazinfo"ya istinadən xəbər verir ki, mərhum Qaracəmirli kənd orta məktəbində Azərbaycan dili və ədəbiyyat müəllimi işləyib, ötən il yaşla bağlı əmək pensiyasına çıxıb. Məlumat üçün bildirək ki, hadisə zamanı qadının ruhi xəstə olan oğlu Anar Allahverdiyev balta ilə anasını qətlə yetirib. Daha sonra isə üzərinə sürtkü yağı tökməklə özünü yandıraraq intihar edib.Faktla bağlı Şəmkir Rayon Prokurorluğunda araşdırma başlanılıb.
15:57
Şəmkirdə qətl hadisəsi baş verib.
Postxronika.az “Qafqazinfo”ya istinadla xəbər verir ki, Şəmkir rayonunun Qaracəmirli kənd sakini 1960-cı il təvəllüdlü Sərdarova Çiçək Xəlil qızının balta ilə qətlə yetirildiyi bildirilir.
Onun oğlu, 1993-ci il təvəllüdlü Allahverdiyev Anar Natiq oğlu cinayəti törətməkdə təqsirli bilinir. Oğulun cinayəti törətdikdən sonra özünü yandıraraq öldürdüyü deyilir.
Məlumata görə, A.Allahverdiyev ruhi-əsəb xəstəsidir.
Hadisə ilə bağlı Şəmkir Rayon Prokurorluğunda araşdırma aparılır.