Salonunda təzyiq problemi yaranan təyyarə təcili eniş edib
MƏ
"Delta Air Lines" şirkətinə məxsus sərnişin təyyarəsində kabin təzyiqinin gözlənilməz şəkildə düşməsi səbəbindən hava gəmisi 10 dəqiqə ərzində təxminən 8200 metr aşağı enərək Las-Veqasda təcili eniş edib.
Postxronika.az "TRT Haber"ə istinadən xəbər verir ki, sentyabrın 6-da baş verən bu hadisə zamanı Boeing 737-900ER markalı təyyarənin sərnişinləri oksigen maskalarından istifadə etməli olublar.
Şahidlər stüardessaların maska taxdıqları üçün ünsiyyət qurmaqda çətinlik çəkdiklərini və vəziyyətin olduqca qorxulu keçdiyini bildiriblər.
Təqaüddə olan pilot Metyu Bakli ABŞ-də belə təzyiq problemlərinin nadir hallarda baş verdiyini qeyd edib.
Harri Rid Beynəlxalq Hava Limanına uğurla enən təyyarənin heyəti təhlükəsizlik protokollarına tam uyğun hərəkət edib.
Mələksima Əhmədova